ЕПИЗОДА 45 – ПАВЛИНА ШИКАЛЕСКА

Добредојдовте во оваа епизода од поткастот за Женско претприемништво!

ИНТЕРВЈУ ЗА РАДИО ПОДКАСТОТ НА НАЦИОНАЛНАТА ПЛАТФРОМА ЗА ЖЕНСКО ПРЕТПРИЕМНИШТВО www.weradio.mk

Ви порачувам да останете со нас и внимателно да ја слушнете денешнава епизода. А во оваа епизода ви ја претставувам Павлина Шикалеска, филигранист сопственик на Атељето PS Filigree.

ТАТЈАНА -Вие сте филигранист, т.е. рачно изработувате филиграни која е многу специфична но и интересна креативна работа. Би сакале ли да споделите со нас, каков е процесот на изработка на филиграни?

ПАВЛИНА– Идејата да се отвори Атељето PS Filigree беше да се продолжи вековната традиција за оваа техника како и да се направи спој меѓу традицијата и модерното. Во нашето атеље кое се наоѓа во центарот на Охрид е изложен сиот наш накит. Имаме широка палета на производи како прстени, обетки, огрлици, брезлетни, брошеви изработени во филигран техника но и модерен накит изработен од сребро.

ТАТЈАНА– Каде го учевте филигранството?

ПАВЛИНА– Овој занает го изучив во Скопје иако претходно ја работев оваа техника но со срмен конец. Филигранскиот занает ме испонува и тоа ми е најголемиот мотив.Самото дизајнирање и изработка на овој вид на накит придонесува да опстане вековната традиција во нашата земја.

ТАТЈАНА– Дали она што е побарувачка ја креира вашата изработка или работите според вашата визија и креативност? На кој начин ги креирате продуктите?

ПАВЛИНА-Поголем дел од накитот е изработен според наша визија и креативност.Но, секако тука с еи желбите на купувачите. Нивните барања ги спојувам со мојата креативности го изработувам она што тие го бараат.Тие се задоволни а тоа ме исполнува.

ТАТЈАНА – Во Охрид филигранството е застапено повеќе отколку во другите градови. По вашата специфика на изработка што е она што ве прави различни од останатите?

ПАВЛИНА– Процесот на изработка на филигран претставува долг процес. Започнува со изработка на сребрена жица со чистота 999 во различни димензии. Жиците се спојуваат и најнапред се обликува надворешниот изглед на производот. Потоа се пополнува внатрешноста со најтенка жица од 0,25 цм со која се изработуваат традиционалните елементи автентичен на македонскиот филигран. На крај самиот производ се доработува за да добие финален изглед.

ТАТЈАНА–  Колку ви помогна во работата проектот на ЦУП како женски бизнис во Ковид-19?

ПАВЛИНА-ЦУП ми помогна на повеќе нивоа и тоа на ниво на медиумска застапеност но и стручна надоградба во изработката на накит. Со тоа ја проширивме палетата на производи и станавме поинтересни за купувачите.

ТАТЈАНА- Дали сте уимале можност вашите филиграни да ги претставите во странство, и ако да, каков е фидбекот од таму?

ПАВЛИНА-Нашите филиграни како во Македонија се застапени во Канада, Холандија и САД.Луѓето се заинтересирани за нашиот накит и соработката со овие земји е одлична. Среќни сме што нашата традиција ја претставуваме надвор од државата.

ТАТЈАНА   – Летото е на прагот. Сепак сезоната ја одбележува вашата работа,повеќе посетители, консументи кои  се вашите очекувања и планови за 2022 година?

ПАВЛИНА– Се надеваме дека 2022 година ќе биде подобра од минатата.Општо дека ќе имаме во Охрид подобра туристичка сезона.Плановите за 2022 се надоградба на моето знаење со други техники, затоа што за мене предизвикот д аучам нешто ново ја поттикнува мојата креативност.

Павлина Шикалеска го научила филигранскиот занает во Скопје а потоа го пренела своето знаење на нејзиниот сопруг а сега двајцата го пренесуваат на децата. Ќерката веќе работи со нив а синот помага во некои поедноставни работи како влечење на сребрен конец. Тоа што ја прави различна Павлина е спојот на традицијата и модерното.