Слушајте WERADIO и на:
ТРАНСКРИПТ НА ЕПИЗОДАТА
ИВАНА КИРОВСКА
Добредојдовте во ново издание на радио поткастот на Weradio, поткаст на Националната платформа за женско претприемништво. Меѓу сториите за успешни , вешти жени оваа е за една козметичарка која од своја најрана младост се занимава со оваа дејност. Откако долго време работела кај разни газди таа решила да си отвори свој салон за убавина и да се соочи со сите предизвици што ги носи оваа дејност. „ Eфиминијана“ е изворот на нејзините приходи и место каде со своите клиентки ги договара третманите за нивно разубавување. Јас сум Фиљана Кокa, а моја гостинка е Ивана Кировска , сопственичка на козметички салон. Ја исполнува нејзината работа и е среќна што си ја остварила замислата за свој бизнис.
Г-ЃА ИВАНА, ШТО БЕШЕ КЛУЧНО ДА ПРЕЗЕМЕТЕ ВАКОВ ЧЕКОР, ДА ОТВОРИТЕ СОПСТВЕН КОЗМЕТИЧКИ САЛОН ?
Ивана: Клучен чекор беше искуството, она кое го имам 15 години. Маката да кажам… да трпиш некој на друго работно место. Годините, кога не сме веќе млади. Има граници на некоја нормала до каде што можеш да работиш за некого и кога можеш да работиш за самиот себе. Значи, до некоја граница можеш да работиш… за одредени години можеш да работиш за газда и после да си преземеш иницијатива сам и за себе да отвориш , на пример, свој бизнис.
ШТО НАЈМНОГУ БАРААТ ОД ВАС КЛИЕНТКИТЕ ?
Ивана: Најмногу бараат внимание, време, хигиена на прво место. Споделување на проблеми, другарски пристап… некогаш излегуваме и на кафе, значи се дружиме приватно, затоа што не се малку овие години на искуство и на работа. И како козметичар треба некогаш да стоиш позади нив и ако им затреба било што од вас… да си помогнеме. Тука се споделуваат проблеми од секаков тип, во некој случај си козметичар, но можеш да бидеш и психијатар, зависи од нивната потреба… се прилагодуваш едноставно и тука си за нив цело време.
КОЈ Е НАЈТЕШКИОТ ДЕЛ, А КОЈ НАЈЛЕСНИОТ, СПОРЕД ВАС, ПРИ ВОДЕЊЕТО НА САЛОНОТ?
Ивана: Најтежок? Ајде да кажеме дека е времето. Се случува во последен момент да откаже да не се појави. Има многу предизвици. Многу фактори се. Не секогаш се цени времето еден на друг. Во денешно време е проблем. Секој си го цени своето време, секој сака да заврши на време… Има и добри работи. Има и тешки меѓутоа ќе се надминат.
КАКО СЕ НОСИТЕ СО КОНКУРЕНЦИЈАТА?
Ивана: Конкуренција… Видете, секој работи на свој начин пред се, секој има посебен пристап спрема клиентот посебен третман на клиентот. Ова е многу приватна работа, се работи за интимност, се работи за приватност и не може секој да го работи. Меѓутоа во денешно време , какви се такви се условите во нашава држава секој си дозволува да отвори бизнис. Колку е подготвен, колку не е, секој си знае за себе… Но конуренција па и не гледам дека нешто е, бидејќи секој си работи за себе , секој за себе си знае.
ИМА ЛИ ПОТРЕБА ОД ДОУРЕДУВАЊЕ НА ЗАКОНСКИТЕ ОДРЕДБИ ПОВРЗАНИ СО ОВАА ДЕЈНОСТ, ШТО МИСЛИТЕ?
Ивана: Има, има многу пропусти. Сеуште има девојки што работат по дома и нема кој да ги пријави некаде во некоја установа за да сето тоа се прекине на некој начин. Затоа што грубо речено не е фер некој да држи салон и да плаќа се што треба да плаќа спрема државата, а некој од дома да гради свој бизнис без никакви трошкови. И тоа од секогаш барем во оваа наша струка – козметичар, било проблем. Затоа што сепак се работи за приватна работа, најбитна е хигиената и здравјето на клиентката. Што ќе се случи после третманот, депилацијата или што и да е, дали ќе има проблем клиентката или не.
КАКВО Е ЗНАЧЕЊЕТО ОД ВМРЕЖУВАЊЕТО ВО ЖЕНСКИ ИНИЦИЈАТИВИ, КАКО НАЦИОНАЛНАТА ПЛАТФОРМА ЗА ЖЕНСКО ПРЕТПРИЕМНИШТВО КОЈА ИМА ЗА ЦЕЛ ЗАЈАКНУВАЊЕ НА КАПАЦИТЕТИТЕ НА ГРАЃАНСКИТЕ ОРГАНИЗАЦИИ ЗА КРЕИРАЊЕ ПОЛИТИКИ И ЗАСТАПУВАЊЕ ВО ОБЛАСТА НА ЖЕНСКОТО ПРЕТПРИЕМНИШТВО?
Ивана: Клучна точка е тоа зашто треба да се доградуваме, за својата цел да ја тераме некако, затоа што сите сакаме да бидеме успешни. Сакаме да имаме свој бизнис за да не трпиме тортура врз главата. Ова дозволува да имаме повеќе приватно време. Да можеш да отвориш подоцна, да затвориш порано. Бизнис кој дозволува да бидеш флексибилен за своите лични потреби и за другите. Треба да се сплотиме. Со ваквите иницијатива кои придонесуваат за женскиот бизнис. Храбро, храбро треба да отвораме и да се дружиме меѓу себе, да си дадеме поддршка едни на други. Секој во својот бизнис да се догради и да биде успешен.
КОЈА Е ВАШАТА ПОРАКА ДО ДРУГИТЕ ЖЕНИ?
Ивана: Да отвораме, да отвораме бизниси да работиме. Да не се плашат од несупех. Мора да пробаме инаку нема да знаеме дали сме успешни, дали не бидува за таа работа или не. Да се отвораат повеќе бизниси од било кој тип. Да бидеме успешни, не само мажите. Да бидеме и ние нешто. Да се изградиме како целина. Да се поддржуваме едни со други. Само храбро и смело. Секој шт ќе реши да отвори бизнис да не се плаши. Да ги следи своите потреби и желби, својата цел и да се надградува постојано.
АВТОР ФИЉАНА КОКА
За гостинката
Прашана за тоа која е нејзината порака, како успешна жена, до сите девојки и жени во Македонија, Кировска вели: „Секој што ќе реши да отвори свој бизнис да не се плаши. Да ги следи своите потреби и желби, својата цел и да се надградува постојано.“
