ТРАНСКРИПТ
Oваа епизода e посветена на Јасмина Јанева, од Кочани, сопственик на фирмата Јасмин компани, која на пазарот е веќе две години, период за кој се смета дека сеуште е стартап компанија, но сепак за две години компанијата во својата дејност откуп, пакување и пласман на мед веќе има достојни резултати со од 10 до 20 тони откупен, спакуван и пласиран мед.
ТАТЈАНА – Почнавте да работите со мал број на земјоделци, но веќе за две години обемот ви е значително зголемен. Како го правите вашиот бизнис план?
ЈАСМИНА – Јас почнав со помал обем на откуп и пласман, но полека еве за две години веќе имам многу поголем раст на работата во мојата компанија. Имам јасна визија што сакам а тоа е најважно.
ТАТЈАНА– Дали сметавте дека како жена претприемач ќе се сретнувате со бројни предизвици а најважно истите да се надминуваат доколку ги има?
ЈАСМИНА- Па предизвици има и посотјат, но мене не ме плашат. Јас сум жена која ако дојдам до проблем или паѓам надолу, јас имам уште повеќе сила да се кренам и да работам понапорно. Најголемите предизвици доаѓаат од конкуренцијата, која не секогаш знае да биде лојална. Но, се справувам со сето тоа.
ТАТЈАНА -Националната Плтаформа за женско претприемништво е проект во чии рамки е и нашево ве радио. Како жена претрпиемач сметате ли дека ваква платформа потребна и како гледате на бенефитите од истата?
ЈАСМИНА-Во секој случај како и да го гледаш овој проект има многу предности и значајни промени може да донесе во сферата на женското претприемништво. Потребно е место каде ќе се обединуваат жените претприемачки, каде некој ќе им помогне со совет или информација и затоа сметам дека поставување на ваквата Национална платформа е многу важно и корисно.
ТАТЈАНА- Што би им порачале на жените особено младите кои се двоумат да почнат со сопствен бизнис?
ЈАСМИНА- Јас едноставно би им порачала да не се двоумат, да се фатат во коштец со предизвиците и дека се што еден човек ,особено жена сака да направи, со работа и јасна визија, таа ќе го постигне.
ТАТЈАНА -Може ли за крај да споделите со слушателите на нашето www.weradio.mk , каде се гледате за пет години од сега во вашата претприемачка дејност?
ЈАСМИНА – Многу интересно прашање за крај. Јас имам визија, желба, сила и мотив за да остварам. За пет години сакам мојата компанија да биде во нова голема модерна хала, со најсовремена механизација и многу поголеми количини на откуп и пласман на мед и секако освојување на меѓународен пазар. Досега мојот мед го има само во Македонија но низ целата држава, во секој град а би сакала да почнам со работа за извоз.
За гостинката
![јасмина кежуал](https://weradio.mk/wp-content/uploads/2021/11/јасмина-кежуал.jpg)
Јасмина Јанева
Јасмина Јанева од пред две години влегла во светот на претприемништвото, основајќи ја фирмата Јасмин компани. Целата своја енергија, визија и знаење ги вложува токму во развојот на компанијата но секогаш наоѓа време да помине убав дел од времето со својата 14 годишна ќерка, за кое време вели дека и е најубавиот и највредниот дел од животот. Смета дека прошетките со ќерката, дружењата дома, одењето во шопинг и општо разговорите со неа, ја прават вистински исполнета личност-мајка.
https://www.facebook.com/janevajas